自從果次拒絕同小樂食飯之後 ...接下來既呢一個星期 ...我都冇再見到佢 !

其實有時我真係攪唔清楚佢諗緊咩?我開開心心番黎搵佢既時候 ...就對我冷冷淡淡

突然之間 ...又成日搵我 ...!! 仲擺番出以前一副深情既眼神 ..

我甩甩頭 ...!! 算啦 ..仲諗咩 ..!!

咁我始終係小樂朋友 ...黎到佢公司做野. .搵我食飯一d都唔出奇姐 ...!! 一定係咁 !!
_______________________________________________________________

阿滔既好朋友今日都會係英國番黎 ..所以就去左機場接機~

cx 100 仲有成半個鐘先到 ...咁早出門口做咩丫"

當阿滔去完個toilet出黎果陣 ...冇啦啦一副女孩臉落入佢眼中 ..

女孩哄得好近 ...圓圓的眼睛同他相距不夠2 cm ..

x :喂 ...認唔認得我丫 ...

終於佢移開左個頭 ...終於睇得清楚 ...原來係佢 ..真係可愛 !

滔 :原來係你丫 ..阿芯"

芯 :你竟然認得我 ..haaa

滔 :係啊 ...阿純個朋友丫嘛 ..

芯 :嗯 ..[滿意的笑] 點解你會係度既

滔 :冇丫 ...我黎接我朋友機丫嘛 ..你呢"?

芯 :我番緊工呀 ..!!

滔 :係啵 ...你做地勤架啵 "

芯 :[笑 ...] 係啊 !! 你朋友邊班機丫~?

滔 :cx 100 啊

芯 :cx 100 ?係咪英國番黎果班呀?

滔 :嗯 !! 係啊 !!

芯 :你真唔好采 ..佢果邊落緊薄 ..班機要遲一日先會起飛 !

滔 :下 ..真係架"?~

芯 :嗯 ..佢冇通知你咩?~

滔 :冇啊. .佢唔知我會黎接佢機架 -0-"!

芯 :咁今次你要白行一趟喇 !

滔 :算啦 ..唯有番去啦

芯 :搵阿純丫~?

滔 :唔係啊 ...佢要番工"

芯 :咁不如等埋我喇 ..收工喇我仲有3個字"~

滔 :下 !？[ 好驚訝]

芯 :你有野做丫"~?咁算啦 ...[ 個樣有d灰]

滔 :唔係唔係 ...我等你丫~"

芯 :咁好啦 ...你就係度坐下先 ..!! 一陣見 ..

阿芯就轉身走左. ..

滔 :我搵到啦 ...[ 笑]

大概3個字之後 ...阿芯真係換好衫企左係阿滔面前了

芯 :行得啦 ..

滔 :[睇一睇錶] 真係3個字啵. ..

芯 :嗯 ..!! 係啊 ...我放工一定準時既XD"

滔 :哈哈 !! 我地而家去邊丫"~?

芯 :我想睇戲丫. ..!! 有套戲想睇好耐 ..佢地個個都唔陪我"!!

滔 :咩戲丫"~?

芯 :[愛與淚相隨] 呀好似叫

滔 :果套日本戲丫~?

芯 :嗯 ..你知邊套丫 ...[ 又好似頭先咁哄到個頭好埋]

滔 :哈 ...係丫 !! 阿純應該中意睇架啵 ...!!

芯 :下 ...!! 係咩?!

滔 :嗯 ...阿純勁中意睇日劇架 ..

芯 :嗯 ...!! [DUM傾頭]

滔 :不過佢應該唔得閒架啦 ..我陪你去睇丫 ..

芯 :[即時開心番哂] 好丫. ..去邊睇丫~

滔 :過去IFC囉 ..!!

芯 :好既~~

之後佢地就去中環果邊睇戲 ..

睇戲果陣 ..因為太感人既關係 ...阿芯已經係咁喊 ..

到睇完 ..出到黎都係咁喊 ..攪到阿滔好尷尬

滔 :唔好喊啦 ..阿芯~

芯 :[嗚 ... ] 真係好感人丫嘛 ..!!

滔 :我知我知. .但你都喊左大半套戲架啦 ..!

芯 :咩啵 ...!! 咁人地真係仲想喊丫嘛

滔 :但 .. ...你而家咁 ...人地以為我蝦你丫 "!

芯 :[笑] 驚得你丫 ...唔喊囉唔喊囉 "!

阿滔笑一笑 ...覺得呢個女仔太可愛喇 ..又喊又笑 ...咩表情都放哂上面

佢地正打算去食飯既時候 ...見到 ..

芯 :阿樂 !!

樂 :阿芯 ...呢個咁熟口面既 ..!!

芯 :係啊 ..佢係阿純既 ... [未講完]

樂 :哦 ...原來係你 !! 點解你會同阿芯一齊架"

滔 :你係邊一個啊?!

樂 :我叫阿樂 ...係阿純既朋友"!

滔 :我叫阿滔 ... [伸左隻手出黎] [心諗 ..我終於見到你啦]

樂 :[拍一拍佢隻手] 你好似未答我問題?

滔 :咩問題?

樂 :點解你會同阿芯一齊"?

滔 :我地岩岩睇完戲 ..[笑]

芯 :係啊 ..小樂 !! 果套愛與 ... [未講完]

樂 :我唔係想知呢D ..! [ 佢既說話令到阿芯冇再講野]

樂 :睇戲"?咁阿純呢 ..

滔 :佢今日要番工"!

樂 :番工 ...所以你就同阿芯睇戲"?

滔 :BINGO!

之後有個男人跑過 ..撞到阿芯差D跌 ...阿滔即刻攬住佢

滔 :冇咩事嘛?

芯 :下 ..冇啊 ..[企番好]

樂 :[睇到眼火爆] 你地 ....咁樣對得住阿純咩?!

滔 :下 ?! 我咁樣有咩對唔住阿純啊 ?!

樂 :你背住阿純 ..仲要同佢朋友攪埋一齊"!?

芯 :等陣先 ..阿樂你講咩丫 ...

阿滔拍一拍阿芯膀頭 ...示意佢唔好出聲

滔 :就算係又點 !?

樂 :你 ... 唔好傷害阿純啊 !! [ 佢既眼神 ..好狠 ]

滔 :我冇啊 !! 一陣我仲打算接佢放工添 !!

樂 :你知唔知阿純有病架 ..唔可以受刺激架 ?! 你 ...仲傷害佢 ?! 佢 ...已經受左好多苦架啦 ..!!

滔 :你中意佢呀?! [好輕挑咁講]

樂 :係 !! 比你更早已經中意佢 ..仲好中意好中意 !!

滔 :咁你拎去啦 ...

拖住阿芯就轉身走 ..! 阿樂即刻跑到佢面前 ..跪左係度"

阿芯同阿滔都好驚訝

芯 :做咩呀樂 ..起身先啦

樂 :你放過阿純啦 ..點解連你都要傷害佢啵 ...你係佢朋友黎架"

芯 :我都 ...[ 未講完. .就比阿滔拖住掐緊 ...]

滔 :既然你咁中意佢就爭番黎啦 ...做咩要係度求我啊 ! [

樂 :我冇能力再爭番黎 ! 6年 ...我都打動唔到佢 ..就唯有係佢身邊靜靜守候 ...到佢需要我既時候 ..就會出現

滔 :起身先啦 ..[伸左隻手出黎]

樂 :你令到佢可以忘記阿瑜 ...佢一定好中意你 ...所以就當我求下你 ...唔好傷害佢啦 ..!!

滔 :你起身先啦 ...呢度街黎架 ..!!

樂 :你應承我先啦 ..!!

滔 :我應承唔到你 ! 冇人可以承諾愛到永遠


講完之後佢就拖起阿芯隻手離開 ..

行了一條街後 ...阿芯甩開被阿滔拖住的手

靜靜咁望住佢. ..等待佢既解釋

滔 :做咩啊 ?唔係去食飯咩?

芯 :你同阿純 ...係拍緊拖 ?

滔 :[笑而不語]

芯 :喂 ..你出句聲丫 !! 而家阿樂話我搶人家男朋友啊 ...

滔 :嗯嗯 .. [ 都係笑緊]

芯 :好亂丫 ...你同阿純唔係兄妹黎既咩 ..點解而家又係男女朋友?

滔 :你想我地係兄妹 ..定係情侶 ?

芯 :我 ....咩我想姐 ..咁你地事實係咩?!

滔 :正如阿樂所講掛 ...

芯 :情侶?!其實我都知道架啦 ..兄妹 ..仲要唔係親生果隻 ..點會咁親密 ..你又咁錫佢 ...連佢中意食咩你都知 ..又細心到幫佢叫埋野食 ...仲日日接佢放工 ..同佢食飯 ... [阿芯一直係度喃喃自語]

滔 :呀 ..原來由上次食飯開始 ..你已經留意緊我啊 ?!

芯 :嗯?! [ 佢眼神已經失去神采]

滔 :冇啊 ...!! 我地唔係去食飯既咩 ..行啦 ...[拖住芯隻手]

芯 :[甩開佢] 點解你仲要拖住我隻手 ?!

滔 :我中意囉 ..!

芯 :正如阿樂所講 ...唔好傷害阿純 ...!! 我亦都唔會 ..

阿滔行近阿芯 ...已經近得鼻尖惦鼻尖了

滔 :你係咪中意我啊 ?!

芯 :[別過臉] 我叫係唔好傷害阿純啊 ..

滔 :[捧住佢塊面望向自己] 我問你 ...係咪中意我啊 ..

芯 :[望住佢] 阿純 ..係我唯一唔願意傷害既人 ...

滔 :所以 ...就可以傷害你 ?

芯 :目前為止 ...你仲未可以傷害到我 ...所以請放手

滔 :但我中意你 ...

阿滔講完就錫左阿芯個咀 ...她不停掙扎 ...但阿滔都係緊緊抱著佢 ..

阿芯輕輕咁咬左佢個咀一下 ...先放開左

芯 :你係咪傻架 ...

滔 :[摸一摸個咀] 你咬我都未話你傻 ..

芯 :係你錫我先架 ...要錫就搵阿純喇 ,,,

滔 :我問你 ...係咪中意我啊

芯 :唔重要 ! [轉身走 ...但比阿滔一手拉番過黎]

滔 :重要啊. .我問你係咪中意我啊 .. [ 終於收起輕挑笑臉 ..換了一張認真的臉]

芯 :係啊 係啊 ...由第一次見到你就中意你喇 ...!!

滔 :[滿意咁笑] 所以你就係我架囉 ..

芯 :我 ...唔會傷害阿純架 ...

滔 :我都唔會傷害自己阿妹 ...!!

芯 :又阿妹"?

滔 :由一開始. ...阿純就係我阿妹 ...頭先果檯戲你唔會睇唔出 ..係做比阿樂睇架嘛?

芯 :戲 ? 阿樂 ? 我唔明啊 ...

滔 :[拖住阿芯] 咁我地去左食飯 ...慢慢講明比你聽好冇 ?!

芯 :如果你一日唔講清楚 ..你都唔洗指意拖我隻手 .. [再次甩開左 ...自己行左去]



餐廳中 ..

芯 :點啊 ...有咩解釋?!

滔 :你已經一副女朋友既氣勢喇 ..

芯 :講咩啊你 ...[即刻DUM低頭]

滔 :HAA ..唔玩你 !! 我講我講 ..

芯 :快D喇 !!

滔 :頭先我見到阿樂既時候 ..佢咁嬲我同你一齊. .我知道佢一定係誤會左我同阿純既閞係 ..加上我成日黎搵純食飯 ..又接佢收工 ...! 佢既誤會當然愈黎愈深喇 !! 仲記唔記得阿純話阿樂對佢好冷淡丫 ... 佢應該係特登架 !! 兩個人明明中意 ..又唔係埋一齊 ...兜左圈都6年喇 ...! 而家 ...出現左 [男朋友] 希望會激到佢 ...再次表白喇 !!

芯 :咁姐係你冇同過阿純一齊 ?

滔 :佢係我阿妹"

芯 :頭先咁多野 ..都係做戲比阿樂睇 ?!

滔 :RIGHT !

芯 : [低著頭 ...甜甜的笑了]

滔 :喂 ...講完果筆 ! 到我地呢筆喇啵 !

芯 :咩我地呢筆丫 ?!

滔 :你又話解釋清楚 ..就比我拖你隻手既 ..

芯 :我係話如果唔講清楚 ..係唔洗指意拖 ...但都唔代表係比你拖啵 !

滔 :但你自己話中意我架啵 ...

芯 :咁又點丫 ..

滔 :哈 ...你呢個女仔真係可愛 ..可以面不改容咁話中意人地都有既

芯 :係你自己追住問人咋嘛 ..哼

滔 :好喇 ..當我錯喇 ..咁而家我問你 ...做唔做我女朋友?

芯 :做你女朋友?!

滔 :當然啦 ...如果唔係洗咩同你解釋咁多丫 ..

芯 :但唔會太快咩 ..今次先係我地第2次見面 ..

滔 :如果我要唔中意你 ..就算比我對你一世都唔會中意 ..!!

芯 :我只係驚呢D係你既一時錯覺 ...!!

滔 :咁唔通我對左阿純兩年幾. .我又要中意佢喇啵 ?!

芯 :我 ...只係驚你之後後悔 ...我唔想再比人HURT"

滔 :我唔可以擔保以後都愛你一個 ..呢D天長地久既說話 ..唔係我呢D老餅會講 ..但呢一刻我真係想同你一齊

芯 :我都唔會再想天長地久 ... [笑]

滔 :咁你肯唔肯比我拖你隻手 ..


等左一陣 ...阿芯終於放左隻手係阿滔的掌心中

我改左名姐..就唔記得我啦
我係牙東