情境1：某某係堂上傾計，於是被老師罰留堂
落堂時，ｘ老師：「上堂傾乜野計？放學ｏ個陣時你唔走得！」
同學既回答：「老師∼如果我唔走得咁我咪行囉，再唔係我就搭車返屋企，使唔使咁惡呀！」

情境2：某某係堂上訓教。
ｘ老師：「訓教？你係唔係嫌功課太少？」
同學既回答：「我唔係嫌功課太少，只係想同周公做番盤棋，本來我將軍抽左佢隻車，點知比佢隻炮反咬左一啖，本來就輸想走∼但係周公唔比我走呀∼不過好彩你幫我∼唔該晒∼∼∼∼」


情境3：某某欠做功課簿。
ｘ老師：「你點解唔做功課？」
同學：「就係因為你地呢ｄ咁既人，大量使用紙張，搞到ｄ樹木冇晒，我呢個環保使者，當然要為ｄ樹木出一分力∼」


情境4：某某交白卷
ｘ老師：「你做乜交白卷？」
同學：「我冇交白卷呀！你睇下，我有寫名，班別又有寫學號！」

情境5：出貓被老師捉到
ｘ老師：「你居然出貓？」
同學：「老師，我都冇養貓，點出貓呀？」

情境6：篇文作得唔好
老師：「ｘｘｘ你篇作文作得好差！重作！」
同學：「老師，咁到底我作得『好』定係『差』呀？仲有，如果我篇文作得差，作多幾次都係差嫁啦！晒氣。」

情境7：試卷０蛋
老師：「ｘｘｘ你搞咩呀？你份卷食蛋呀！」
同學：「老師，份卷又冇口又冇消化系統，點食蛋？」

情境8：遲到，老師質問你
老師：「點解你遲到？」
同學：「你想要既答案應該得一個『我訓過龍』，所以我就答你『我訓過龍』。」