張敬軒入行5年來第一次大型音樂會，前晚假九龍灣展貿舉行。當晚即吸引了大批歌迷到場支持，雖然大會已加了不少座位，由於觀眾反應熱烈最後更企爆全場，同時亦招來觀眾投訴安排失當，最終令贊助商Smartone決定稍後會為未能換領門券的觀眾另作安排。文、圖：駱震寧

　　由於是次音樂會是贊助商主辦關係，軒仔坦言除了表演嘉賓孫耀威    、關楚耀    及新人林威臣外，都未敢邀請任何好友到場支持。但王菀之    就鬼馬地突然上台獻花，逗得軒仔十分開心。軒仔說：「我之前打畀佢，佢仲話同爸爸媽媽食緊飯，估唔到15分鐘之後就見到佢出現。」

　　胡文新見鏡頭狂奔

　　另外，富商胡應湘之子胡文新亦有在席上欣賞，初時胡文新站於場地出口欣賞。當被記者發現後，他即步行到附近的保齡球場暫避。記者跟隨而至拍照時，他竟拔足狂奔，並說；「哎呀！有咩好影呀！」隨後就由友人陪同乘電梯離去。

　　跟軒仔談到觀眾投訴大會安排失當，軒仔即表示並不知情：「我淨係知頭先排隊換飛，條隊唔知點樣排咋！」軒仔謂自己站於台上，因燈光下未能看清楚台下情況：「如果有乜待慢，我表示歉意。」

　　新碟定單達白金銷量

　　軒仔新碟一推出，定單數目已得到白金銷量。唱片公司更即場頒發白金唱片給他，軒仔喜道：「其實之前《Hurt So Bad》咁受歡迎，事實上隻碟都係賣緊5千左右。依家呢個市道賣到2萬隻，真係非常唔錯！」談到有否流下男兒淚，他說：「呢方面我控制得好好！（留番�鰬儺]先喊？）一定喊！我諗我一開聲就喊！公司話今次大碟實數賣到20,000至25,000張，進軍紅館就有望。」

　　此外，表演嘉賓孫耀威亦大讚軒仔：「以新一輩男歌手�謠縑A相信就係軒仔同側田最為出色。」另外，早前拍到小春與應采兒    結伴買電腦，孫耀威笑說：「搵我買嘛！我個個月都買電腦！（你電腦OK？）我讀電腦工程口架，個個朋友搵我，我都會幫佢買！」

太好了!!
軒仔要加油AR!!!