糖打令:D
(糖糖糖)
吹水天王
 
會員編號 114002
精華
5
積分 29009
帖子 20929
威望 2 點
I-See幣 224732 錢
GAME幣 2503 個
MSN宣傳 0 次
性別
 女
配偶 未婚
閱讀權限 120
註冊 2006-2-3
註冊天數 6897
狀態 離線
|
|
|
轉`十二星座`愛你愛到殺死你排行榜
★第一位：巨蟹座
神經質嘅巨蟹人，最鍾意無腰骨，閒時嗲人嗲到暈，份人又多情，想像力又豐富，再加上之前提過嘅敏感同神經質，絕對有理由相信你會愛佢愛到殺死佢！
★第二位：金牛座
金牛人出名愛得專一，加上細心同固執，相信自己「無理由佢唔鍾意我嘅！」理論，所以當要愛一個人嘅時候，你就已經在不知不覺間開始玩黐身遊戲，當事人或者都唔察覺到，但當身邊嗰個開始疏遠你嘅時候，相信你要開始檢討。
★第三位：雙魚座
因為缺乏信心，所以當甜心有甚麼風吹草動嘅時候，你就已經急不及待做足防風措施，但呢啲「風球」，好多時都只不過係因為你嘅多疑同猜忌所引致，身為甜心嘅佢，真係有苦自己先至知！
★第四位：天蠍座
論手段，天蠍人黐身，手段最多，簡直可稱之為層出不窮，招招厲害！你咁出盡法寶，無非都係你愛一個人，真係講得出做得到，再加上你鍾意控制人，分分鍾會被你嘅專制嚇親，繼而走得快好世界！
★第五位：處女座
唔好俾你嘅外表呃到，其實你係個絕頂黐身嘅人，不過你勝在高招，唔會真係以人釘人，反而會用言語、態度令甜心活在你無形嘅雀籠之中，飛唔出你嘅威勢之下，身為雀籠中嘅你，唔該得閒就反思下喇！
★第六位：白羊座
話就話白羊人愛情來得快去得也快！但喺呢三分鐘裏頭，你嘅佔有慾以及無比嘅好勝心，誓要用盡任何方法把你纏上身，然後你仲會問人：「阿姐鍾意，你理我做咩？」，當然熱潮一過，亦可不帶走一片雲彩！
★第七位：獅子座
獅子人在愛情之中相信互相信任，所以你覺得根本唔使下下ｃｈｅｃｋ住咁浪費時間！再加上你個人咁忙，你話有無時間玩做跟得夫人？再加上面子大過天，就算幾咁愛佢，你都唔會俾人知你嘅底牌！
★第八位：天秤座
天秤人在愛情裏面，鍾意嘅係追求嗰個過程，得手之後，驚喜無晒，所以要黐身到暈，相信你絕對唔係適合人選！不過有一個例外，就係當你的甜心同你講分手先嘅時候，你反而會咬住唔放，覺得分手應該由你講先！
★第九位：山羊座
你最唔鍾意勉強人，所以要你死纏爛打，除非甜心對你嘅發展好有幫助，否則要你咁做，相信有違你做人嘅宗旨！但澄清一點，咁唔代表你唔識愛人，相反你要愛一定會愛得專一、愛得轟烈！但分手嘅時候嘛，．．．一樣堅決！
★第十位：水瓶座
水瓶出名有骨氣，要你拋低尊嚴將佢奉如神明，你寧可聽聽耶穌講故仔！加上你太過理性，要分手就連嗰一滴眼淚你都會慳番，好瀟洒，簡直不帶走一片雲彩！所以，身為甜心嘅你，都千祈唔好咁傻！
★第十一位：人馬座
人馬座以自信最為出名！在你心目中，自己永遠係第一位！所以要你負責任兼將其他人放到咁大，令佢覺得好重要！相信你都好難做得到！所以鍾意你之前，一定要勸掂自己、鍚自己多啲！
★第十二位：雙子座
善變是雙子人的本性，要你負上責任，相信你會覺得比死更難受！要你黐住情人，相信辛苦嗰個唔係佢，反而係自己！特別是你怕麻煩嘅性格，一個唔好彩，甜心真係黐住唔放，到時你話點算？
|
|
| I-See Forum @ All rights reserved. |
|
|
|
加入我的最愛 | 
設定為首頁 | 
圖片上載
論壇音樂模式 
非音樂模式 
