又是一個發生在六十年代的故事，故事發生的地點亦是東普陀，其實東普陀是六十年代很負盛明的寺院，據說當年晚上，寺院的屋頂常常發出異光，這份報導保留在荗峰老法師的禪房。

這個故事發生在某年的一次水陸法會前夕，佛教的水陸法會除了為先人超導外，更可以求福、求壽、求生意興隆，都算是一個大型的法會，在法會前善信為先人，自己寫上姓名，所求的東西，然後讓法師在會上祈福。

那次一個馬姐，在名冊上寫了一個名字後，竟然引起一陣哄動。原來這個馬姐幫一隻貓提名。

佛堂的書記也禁不住問她: “妳為何幫隻貓做法事?”

那個馬姐說: “半年前，我下午趁老闆不在家，偷偷去外邊同幾個姊妹打麻雀，嗰日阿杏個衰婆坐北位，臨尾重不停咁食糊，搞到我趕頭趕命咁趕返屋企，返到屋企先知發現攞嚟做餸嗰條魚俾隻為食貓食咗。

當時我真係無名火起三千丈，隻衰貓重向住我喵喵聲咁攞嘢食，我火上加火，諗住摑牠一嘢，點知我啲無情力一嘢摑咗隻貓落街，隻畜生就咁一死嗚呼!

後來我忽然間得咗個怪病，時好時壞，看了幾個月醫生亦都無好轉，前幾晚隻貓向我報夢，隻衰貓竟然口講人話，講俾我知係佢搞到我病，佢重話東普陀將會有個水陸法會，佢叫我幫佢打齋超渡，咁我個病就會好，佢重話幫我中馬票!”

書記笑了一笑道: “我怕是妳日有所思，夜有所夢!”

馬姐苦笑道: “我都係抱住寧可信其有，不可信其無的心態，話晒都係我整死佢，咪當求幫自己消孽啦!”

水陸法會完了不消幾個月，個馬姐返回東普陀還神，原來佢已經康復，而且真係中了馬票，結果佢用那筆獎金開了間齋菜鋪，後來更看破紅塵, 出家為尼!